Home 關琋渼專欄 CUP Magazine 關琋鎂:循循善誘還是針鋒相對?

關琋鎂:循循善誘還是針鋒相對?

930
0
SHARE

早前和朋友在快餐店短聚,聽到三母女這樣的對話:

媽:今日係學校做過啲咩呀?
女:玩囉!
婆婆:淨係掛住玩,冇嘢做㗎啦? 唔洗讀書㗎?
媽:玩咗啲咩呀?
(阿女諗咗一陣…)
婆婆:答唔出,梗係掛住玩,咩都冇讀過啦!
媽:慢慢諗下玩咗啲乜?
女:做話劇!
媽:話劇入面做啲咩㗎?
女:拜山!
婆婆:就嚟農曆新年,做乜會拜山㗎? 你係咪亂講㗎?
(阿女又停咗無回答)
媽:老師出呢個題目嘅原因係乜嘢?
女: 因為有一課課文講拜山。
媽: 咁係拜山嗰個話劇入面,你演乜嘢角色?
女: 一組人一齊做㗎,我哋要諗晒所有去拜山之前可能遇到嘅黑仔嘢!
媽: 例如呢?
女: 一朝早起身遲咗,出門口搭車又遇到塞車;行上山條樓梯時整親隻腳,上到山又落雨…
媽: 所以你學習到啲咩呢?
女: 學到要早啲起身,如果地下好濕就要行慢啲…

在短短的對話中,我發現了一個很有趣的現象:

婆婆急不及待要指出孫女的錯處,也沒有給她思考和回答的空間;媽媽在循循善誘,引導女兒說出自己在學校的生活及學習到的事情。

明顯,婆婆是比較傳統的家長,在他們眼中,玩與學習是兩碼子的事情,難以共存,更帶點「怪獸家長」的味道。試想像一下,若果維持著婆婆和孫女的溝通方法,最後的結果將會是怎樣? 想必孫女甚麼也不會說,為甚麼? 因為無論她說甚麼,婆婆都不會有正面的回應,這樣的親子關係不是自討沒趣嗎?

我認為媽媽的做法是值得學習的,父母要給予孩子多點耐性,讓他們有足夠的空間去思考及回答,然而一步一步透過正確的問題引導他們說出心中意見,這樣才會知道他們真正的想法,若然有所偏差,也起碼能夠對症下藥,總比處處針鋒相對好。

想深一層,這位小女生真的好幸福,能夠有這樣一位媽媽作為嚮導,在眼神和言語中,有滿滿的愛。

SHARE
Previous article「Trolley problem」
Next article【小一面試重要小Tips(一)】
關琋渼 Karen Kwan,是三名女兒的母親,在一次機緣巧合下得到女兒的啟發,令她開始尋找創新的方法,讓小朋友可以快樂而有效地學習。於是,琋鎂放棄銀行的工作,毅然投身教育,積極參加不同的課程如腦基礎學習法、高階思維等,亦接觸到不同專業範疇的教練,如 Eric Jensen、Blair Singer 等,令她領悟出令孩子主動學習的秘訣。 琋鎂認為教育是「Teach People,Not Content」,要引導孩子多角度思考,培養他們的解難技巧,透過知識去發展孩子的生活技能,這樣才能終身受用。「用創新的方法,讓孩子快樂學習,父母輕鬆!」是她的宗旨,亦是香港教育未來的方向! 關琋鎂個人及教育品牌Facebook專頁 : https://www.facebook.com/KarenKwan48/ https://www.facebook.com/MathMonkeyHongKongCenters/ http://www.mathmonkey.com.hk/

LEAVE A REPLY